María Pérez Lacruz, coñecida como María la Jabalina, foi a última muller asasinada polo franquismo na Comunidade Valenciana. En 1942, con tan só 25 anos, foi fusilada no Terrer, o tristemente coñecido muro de Paterna (Valencia). A moza anarquista das Mocidades Libertarias había crecido ao redor da fábrica do Porto de Sagunto, onde se respiraba o ambiente da loita obreira. Con tan só 18 anos tivo o valor de alistarse como miliciana na Columna de Hierro, onde exerceu como enfermeira. Foi probablemente a primeira muller ferida na guerra civil. Durante a represión da posguerra foi delatada, detida e acusada inxustamente de delitos que nunca puido cometer.