Esta guía recompila en papel o Decálogo Ninja da web https://www.guianinjadoilustrador.org/. Cada artigo do decálogo contén ligazóns que amplían a información sobre cada tema. Na sección Recursos da web atoparás máis recursos útiles e bibliografía. Algúns dos datos aquí recollidos poden perder vixencia. Para mantéreste ao día das actualizacións, consulta a versión en liña do Decálogo Ninja.

Decálogo Ninja (índice): 1- Coñece os teus dereitos; 2- Non traballo gratis; 3- Prácticas especulativas; 4- O cliente "ilustrado" é mellor cliente; 5- Presupostar é negociar; 6- Tratos e contratos; 7- Débedas e faltas de pagamento; 8- Plaxios e usos indebidos; 9- Os papeis do ilustrador; 10- Infórmate, asóciate.

A maioría dos ilustradores e ilustradoras son profesionais freelance. O creativo freelance é unha miniempresa: á parte de crear, ten que manexar plans de empresa, negociar proxectos, facer presupostos, contratos e facturas. Debe coñecer a fondo os dereitos e deberes da súa creación artística, para protexela e poder explotala. E, ademais, ten que moverse nun mercado complexo e protexerse de prácticas abusivas. Os ilustradores freelance precisan adestramento e habilidades ninja.