De cando en vez é necesario, case de xustiza, recordar que somos herdeiros do noso pasado. Del, gústenos ou non recoñecelo, temos moito máis do que cremos, e tamén del deberiamos aprender para non cometer os mesmos erros.

Canto queda na nosa sociedade das antigas tradicións do Imperio romano? Na nosa cultura gardamos algunha reminiscencia de vellas civilizacións como a griega ou a exipcia? Que ocorre con fenicios, etruscos, tartesos, cartaxineses…? A nosa tradición aínda os recorda? Descubrámolo ao longo desta pequena recopilación, que sirva como punto de partida para unha busca persoal e obrigada para os nosos lectores.