Índice: Prólogo; Notas da editora; Introdución; Pedro o Cruel vs. Henrique de Trastámara; O Duque de Lancaster vs. Xoan I de Castela; Coda.

Nesta excelente tradución comentada de Henrique de Harguindey podemos constatar a relevancia da Galiza no contexto xeopolítico medieval: a sua existencia, en boa medida, como un concepto oposto a esa España que designa ainda o territorio historicamente baixo goberno musulmán, as súas difusas fronteiras culturais que chegan a Melgaço e Castela, ou a sua principalidade entre os reinos peninsulares. Podemos ver o espírito cavaleiresco baixomedieval e as fazañas de armas arredor das vilas galegas — pero tamén as formas de vivir do pobo alleo a un conflito de elites.

Harguindey revisita para nós esta tradución que xa foi no seu momento publicada gratuitamente no seu blogue, Palabras Desconxeladas. Alén de correxir algúns detalles, esta edición engade comentarios actualizados à luz doutros traballos feitos neste eido, e incorpora un prólogo de Anselmo López Carreira.