O libro que che conta todo o que non morreu co dictador.

En España, como no resto do mundo, os bens ou débedas económicas hérdanse, pero a culpa e a responsabilidade moral, non. A chegada da democracia ao noso país supuxo un peche en falso do abismo entre vencedores e vítimas da Guerra Civil e a represión franquista. Na actualidade a cuestión da memoria histórica forma parte do noso debate público: a polémica sobre 'El Valle de los Caídos' e a exhumación do cadáver do dictador, o cambio de nome das rúas que homenaxeaban a criminais franquistas, a apertura das fosas comúns… Porén, o fondo da cuestión vai máis aló: cal é a responsabilidade moral das elites que se lucraron á calor do franquismo? Son lexítimos os patrimonios transmitidos aos seus herdeiros? Ilustres nomes da oligarquía empresarial e política que se enriqueceron coa represión, a corrupción ou as íntimas relacións coa ditadura franquista seguen ocupando hoxe cargos de responsabilidade en consellos de administración, administracións públicas ou fundacións de todo tipo sen que a sociedade exixa unha sanción ou unha compensación. En Franquismo S.A. Antonio Maestre obríganos a facer unha revisión crítica da historia empresarial das grandes sagas familiares que compoñen as elites deste país. Porque a maior resistencia á reparación histórica non é cultural, política ou moral. É económica.